【Kiki】產品報告 ★ Neville 海藻矽針 ②

大家好，又系我 Kiki 啊，我又黎嚇你地喇！

首先要講返，做完海藻矽針既第1-2日，

你系會覺得呢件產品好搵笨的，

因為你唔會見到：做完好靚啊，毛孔細左啊，塊面好白啊，敏感退晒紅啊

你只會覺得，點解啲皮膚好似仲衰左？

唔駛慌，呢個情況系正常架。

因為初初做完你除左一掂到塊面覺得好痛之外，你仲會覺得啲毛孔好似仲大左添！

但「小小苦楚等於激勵」，痛完之後就會變靚啲架喇！

好喇，講返我呢幾日既情況先

1) 我系7月5日凌晨2-3點做海藻矽針的

2) 7月5日下午1點起身，用化妝棉濕水抹面 (清水)

呢個時候抹面仲有少少吉吉地既感覺，好輕微

但系呢個微痛既感覺令我好後悔，因為我應該又系太輕手喇！

算，講返正題先，因為做完海藻矽針之後要更加注重保濕同防曬

所以就算只系落街一陣，都要搽足防曬！

呢張相完全證明左，做完海藻矽針第一日，皮膚真系好似差左咁，但呢個系正常架！

3) 7月6日凌晨1點，真正既保養之路正式開始

首先因為今日有搽防曬，所以一定要落妝

但做完海藻矽針既頭幾日，我都選擇只用卸妝水輕輕抹下，減低刺激塊面既機會

而家空氣污染太嚴重，就算只系落左街一陣，塊面就已經痴左好多污糟野

再加上做完海藻矽針，啲舊角質層會慢慢脫落，所以抹出黎既仲有油脂同皮屑架

我自己用完卸妝水，會再用濕化妝棉再抹多一次面

之後就系搽精華、敷面膜、搽面霜喇

精華我就揀左 OHUI 既 777，因為佢補水又鎖水，好岩做完海藻矽針用

而面膜，因為一開始做海藻矽針既時候已經系敷緊水光針ｍask

所以我後續呢兩日都會選用返水光針ｍask

面霜就揀左我夏天既至愛，O HUI 既 Gel Cream (Oil Free)

佢同 777 同一個系列，搽完塊面涼浸浸，好舒服 (｡◕∀◕｡)

4) 7月7日凌晨0點

文章一開頭我就講左，我覺得自己今次做都系太輕手，但原來今次已經比上次好左少少

點解我咁講？因為我今次有少少甩皮啊！

雖然甩皮 / 爆瘡 / 暗粒 呢啲情況系視乎返皮膚狀況而定

但真系唔甩皮就好似冇做過海藻矽針咁

身邊太多人做完都甩得好勁，得我一個太輕手，次次都好似冇效果咁，晒料！

但今次終於比我發現，我都有少少甩皮喇！(●⌒∀⌒●)

紅圈位置有少少甩皮，而箭咀位置系我啲暗粒仔啊

如果平時好多面油既朋友，會覺得呢幾日，塊面好似「清爽」左好多

呢個其實就系海藻矽針既其中一個功效喇

不過初初做既第1-2次，呢個「清爽」既感覺只會維持到幾日

只要繼續 ｋeep 住做，「清爽」既日子就會離你越黎越近架喇 (≧∀≦)

做完海藻矽針呢幾日，除左注意保濕同防曬之外

仲要注意，如果甩皮情況好嚴重，記得唔好化妝喇

所有產品記得唔好用油份太重既野，如果唔系，會影響海藻矽針既效果架

或者有人會問，防曬唔算油份重咩，點解仲要用，唔系話唔好用重油份既野咩？

原因就系：防曬系唔會被皮膚吸收架

所以只要根據返自己既需要，揀返岩既防曬就得架喇

仲有，唔好用任何去角質 & 含有果酸既產品

建議 Ｃlay ｍask & 撕拉型既產品都唔好用，減少對皮膚既刺激

【Kiki】產品報告 ★ Neville 海藻矽針 ①

【Kiki】產品報告 ★ Neville 海藻矽針 ② < 你在這裡喔

∵∴∵∴∵∴∵∴∵∴∵∴∵∴∵∴∵∴∵∴∵∴∵∴

歡迎 留言 / PM / ☟聯絡我地

WhatsApp : 5116 2724 / 9203 1708

WeChat : La2y_Beauty

Facebook : La2y Beauty

∵∴∵∴∵∴∵∴∵∴∵∴∵∴∵∴∵∴∵∴∵∴∵∴